..jo i läb nooooo :D

Donnerstag, 15.11.2012

..schoooo Ewigkeit här siti s letsch Mol n Itrag gmacht i woass *schäm*

..alsooo..noch Medellin semer uf Salento greist, da isch a klisas lüübs Örtli i da Kafizoona..döt homer den im Hostel Tralala icheckt :D Super Nama..send den rächt überrascht gsii wos all kälter wora isch geg da Obat/Nacht..aiaiai..homer üs rächt müssa ipacka!! Noch da ersta Nacht semr am Morga uf und send uuuu koga fain gi zmorgaässa :D mhhh..Müasli mit ganz viel verschiedna frischa Früchtli und Kafi soviieeeeeeel ma hät wela :D..mhhhhh :D uuuund amera frischprässta Fruchtsaft...mhhhh..Nochdem dasmer frisch gstärkt gsii send, homer da Rucksack packt und hond üs uf da Wäg zur Kafifarm vom Don Elias gmacht..döt homer a kuuli Tour küna macha wos üs allas erklärt hond über da Kafiabou..isch rächt intressant gsii..leider häts üs no fasaicht und wia :D aber isch glich super gsii..nochdem mör no a Kostprob überkoa hond vom faina sälber gmachta Kafi semr den witer und send über a anders Dörfli witer retour gloffa zum Hostel..Super schöas Tüürli gsii..i glob i wär no zum "Wanderfreund" :D..nochana semr no Salento sälber kli go aluaga. Hät uuuuu viel schöni klini Lädeli ka..und mör hond den no a Restauräntli gfunda womer uuuhuara feini Toast überkoa hond und i ha zum Dessert no an Brownie mit Glaci fatruuuckt..mhh..alles in allem an super erfolgriicha Tag gsii :D

Am nögsta Tag semr d Valle de Cocora go aluaga, da isch a Tal mit riesiga Wachspalma wo bis zu 70 Meter hoch wärid!!!!..da hoasst, zersch semr am morga am halbi sibni uf!! (Jo ör körid richtig, Morga am sibni und da ida Feri!! Und da isch nöd s erst Mol gsii du..aiaiai :D ) den semr mitam "Willy" so sägids da Jeep döta..öpa a Stund gfahra und döt honds üs usigworfa..uuuund deeeen..isch Dönis öpa viar Stund über Stock und Stein und da Hang doruf (fasch senkrecht :D ) ui kraxlat i ha gmont i kem nia me ah :D ouuu und Kolibris home gsäa!! soooo nervöööösi Viecher du..haiaiai..:D mör send den eeeendlich döt akoa und as isch da aaaaaaabsolut Oberhammer gsiiiii!!! WWOOOOOW...i be glob da ganz Wäg nochana mitma offna stuunenda Muul gloffa :D..isch suuuper gsii!!!  Loveit..

Am nögsta Tag semr am Morga uf und send noch Cali - da Salsa Stadt ;) Haha..döt semr zwomol kräftig in Ausgang..und d Steffi hätmer probiart zum Salsa bibringa..aber i ha s Gfühl i be kläglich gschitterat :D moss ez no lacha weni dra denk :D Sus homer eigentlich nöd viel gmacht in Cali..no in a riesa Shoppingcenter und d Altstadt go aluaga..aber alles in allem eher ofach a Stadt zum in Ausgang = mit Bravur erfüllt :D 

Send den noch Popayan witer, dära Stadt seht ma dia "Weisse Stadt" will echt jedes Hüsli und alles ofach wiis isch :D..aber isch a schöas Städtli..hätmer guat gfalla..hond döt no an Usflug uf a Hacienda gmacht mitma kolumbianischa Päärli..isch huara lustig gsii..Si hät üs in Grund und Boda gschnorrat willsi üs soviiieeeeel wia möglich hät wela zoaga und fazella :D Schlussendlich homer sogär no "müssa" mitna go ässa wills üs umbedingt a paar kolumbianischi Sacha hät wela schmackhaft macha :D und s ischera glunga :D

Den homer am nögsta Tag an Usflug noch Silvia gmacht, wills döt immer am Zischtig an riesiga Mart hond. Also Mart - Frücht und Gmüas und so...und di "Igeborana" den seht ma Guambianos send alli i ena sina Trachta döta!! Isch rächt idrücklich gsii..und wa dia för Früüüüücht ka hond...i be numa usam stuna koa..und sooo fain..richtig fain süass..mhh..hond den döt glei ikoft för da Znacht :D Mhhh isch super gsii :D..

Deeeeen semr vo Popayan uf San Augustin..aiaiai..will da kli usserhalb isch, isch d Stross nöd gad so da Hammer gsii..da hoasst mör send 6 Stund (!!!!!) mitam Bus über Stock und Stein..Läsa? Fagässa!! Bequem im Setz hocka? Fagässa!! Schlofa? FAGÄSSAAAA!! :D Isch rächt a lustagi Fahrt gsii..send den rächt dorigschüttla in San Augustin akoa :D Den semr i a uuuukoga schöas Hostel kli am Hang oba..a rieeeeesa Bad :D a uuuu bequems Bett und Plaaaaatz för da Rucksack und sogär a Nachttischli hani ka :D und si hond sälber Brooooot bacha..mhhh :D super gsii..döt heti a wili küna bliba ;)

Hond den vo döt us an Usflug inan Ärchologischa Park gmacht wos so Stoahfigura usgraba hond, dia honds frühner vor d Gräber gstellt - dia sötid Gräber bewacha..rächt beidruckend gsii!! Und a huara schöni Wanderig!!..ufam högsta Punkt homer den no a Fotishooting gmacht :D isch huara glatt gsii..N Supertag..:D 

Am nögsta Tag semr uf a Jeep Tour - wa leider us "komischa" Gründ *augenzwinker* nöd soooo agnehm gsii isch för üs viar..alles in allem a guati Tour gsii..wemr kli ufnahmefähiger gsii wärid..send den froh gsi womr hond küna go Znacht ässa und is Bett..

Am nögsta Tag semr widr dä supertoll Wäg zrugg noch Popayan..Den hani mi leider müssa vor Steffi und da Eli trenna..super Ziit gsii mit ena..:D Ha mi den aber mit anderna troffa woni vo Cartagena kenn und be den am nögsta Tag mit ena über Grenza noch Ecuador..send öpa 14 Stund undrwägs gsii...rächt streng gsii..send den in Otavalo ina Hostel und no a Pizza go ässa und den aaaaab is Bett :) Am nögsta Tag semr no uf da Markt womer öpa drüüüü Stund hunderttuuuuusig schöni Kettali, Pulli, Täschana, Schleifa und so witer uns so fort  aglugat hond :D und am Nomi semr den noch Quito greist...Momentan semr ez do..denk no dia nögsta zwo Täg..nochana gohts witer..und den scho baaaaaaald uf Galapagoooooos...:D Grüüüüüass id Schwiiiz..muuuuuuuah..

I'm in love with Guatape :D

Sonntag, 28.10.2012

..alsooo, dia neusta News..be mittlerwila in Medellin sit fuef Taeg..Aber zersch nomol zrugg zu Cartagena..hond doet no an zwotaegiga Usflug uf d Isla de Baru und hond doet am Playa Blanca in Haengematta direkt am Strand uebernachtet..isch halt widr Hammer gsii..am Morga fawacha und s erscht wod gsaechsch isch da Strand..wa wilma mea? Zwinkernd Hond also zwo Taeg akli gsuennalat und badat..huara schoea..

Be den am noegsta Tag womr zrugg gsi send mit da Steffi noch Medellin gfloga..hond a super schoeas Hostel fawuetscht..kli "bessera" Viertel, wos relativ viel Tourista haet..fuehlid ues total wohl do..

Send den omol mit da Metro quer dor d Stadt und mit amara Gondla ufan Berg..isch wahnsinnig idruecklich die viel Huesli wos ueberall doranand und fasch ufanand baua hond!! gsaecht Hammer us!!

Am noegsta Tag homr a Pablo Escobar Tour gmacht..isch uuuunglaublich schraeg gsii..viel z krass..Moer send im Elterahuus gsii vonem und doet isch da Bruedar gsii und mit dem haesch kuenna reda und so..isch vieeeeel z schraeg gsii..aiaiaiai..Isch ues den bedna numa so wohl gsi und send froh gsi womr widr hond kuena goa!!..Aber alles in allem sehr interessant gsii..vorallem wema s Buach glaesa haet vonam..haetmer amel gad d Hoor ufgstellt..!!..

Am noegsta Tag semr an Tagesusflug noch Guatape go macha..i saegs oei, i hami faliabt..do da Grund:

s ganzeee Staedtli isch so schoe bunt gsii..i be fasch abi!! an Traum!!! Do kama gaer nia schlaechti luuna ha!! Zwinkernd 

Akli usserhalb isch so an riiiiiiesa Felsa gsii, dae haet 750 Staegatrett ka..und stellid oei vor..da Doe isch alliiiiiiiiii 750 (!!!!!!!) Staegatrett ufigloffa..i ha gmont i muess staerba!..Aber d Ussicht doba isch da Oberhammer gsii!..d Quala send gad fagaessa gsii Zwinkernd

Am Obat semr da min Maga endlich widr besser gsii isch (irgend a Gripp igfanga in Cartagena) und in Medellin Big Halloween Party gsii isch in Ausgang. Uiuiui saegi nur..do isch die Hoelle los in Medellin..HAMMER!! UNGLAUBLICH!! Den homr muessa usschlofa huet wils a paar Schnaepsli ueber da Dorst gsi send Lachend den semr unterwaegs richtig Zentrum wamer no hond wela aluaga huet amera "Beautysalon" fabi koa und den homer ues gad a Pedicure foer, Achtung es isch ennig tuer gsi, umgrechnet 6 Franka!!!!!!!!!!!!!!! goennt...und da mit allem drum und dra!! i glob morn bevor mer moan uf Salent gond, gomr no gi d Fingernaegel macha Lachend

So da waers scho widr gsii vo mear..wia gseht gomr morn witer richtig Salento id Kafizona..i hoff oei gohts allna guat ir schoena Schwiz..dickaknutsch a alli und bis bald..

zurueck in der Zivilisation...:D

Sonntag, 21.10.2012

..also send glich kli laenger in Taganga gsii as mer hond wela..hond vo doet us no n Usflug gmacht noch Minca, isch a klisas Doerfli ida Noechi vo Santa Marta..so kli im Dschungel..send den doet no zum Pozo Azul, da isch an Wasserfall wo d Iwohner frueahner Reinigungsritual gmacht hond..ha den nur mini Fueass reingwaescha :D zum ganz ini hani z kalt ka :D..

..nochana semr mit amera Bus vier Stund noch Riohacha und vo doet us imera so

komischa Gfaehrt oepa drue Stund ueber Stock und Stein, ueber riesagi

Loecher und dor halbi Fluess !! und da ufmara herta Holzbaenkli uf da Ladeflaechi vo dem Truck..und rundum isch nirgends oepis gsii usser Sand und Buesch..Zwinkernd send den eeeendlich in Cabo de la Vela akoa..da mer am Obat akoa send hani d Landschaft no noed gsaea..und be den nochanara Nacht ida Haengematta raecht enttuescht gsii woni ufgstanda be..noed wirklich schoea gsii..aaaaber den homr an Franzos troffa und dae haet ues den fazellt das wema oepa a Stund louft, zumera wunderschoena Strand kunnt..Send den mit voller Freud uf an schoena Strand ufbrocha..natuerlich is anstatt a Stund oepa 2.5 Stund ganga..I soetts jo langsam wissa dass Kolumbianer mit da Ziitagoba noed so gnau nemmid Lachend i natuerlich fasch ko Wasser me ka..nur i mim Strandtuechli ida broetliga Hitz dor d Wuesti gwagglat..wi an Vollpfosta :D.. send den endlich akoa und da Strand und da Ussichtspunkt honds den

 

entschaedigt :D..

 

am noegsta Tag semr witer noch Punta Gallinas..da isch so zimli da noerdlichst Punkt in Kolumbia..haet gnau o Hostel..sus wit und breit niiiiiix umanand..nuuuuuuuent..nur Sand..kli Buesch..und fertig..:D abr isch super gsi..hond farussa in Haengemattana gschlofa..

..do hond den a paar vo ues mit Schrecka festgstellt dasma vilicht mol soett anderi Schuah alegga ussert FlipFlops - wia i zum Bispiel :D 

 

..etz semr sit geschtr in Cartagena.. ..gfallt mer uuu guat do :D..i glob i blib no kli..da mer leider geschtr kli fahockat send homr huet noed da hufa anabrocht Unentschlossen hond ues a Gsichtsbehandlig goennt :D schooooe massiart wora..hmm..den semr go shoppa :D hani gad zuagschlaga..s Problem isch nur dasi ez allas moss umaschlaeppa :D aber jonu..i ha noed kuenna hert bliba :D jo da isches scho wieder gsii..waerid ez no a paar Taeg do bliba und nochana..KEINE AHNUNG :D..See what happens..:D

 

ps at Sina & Salo: i ha dia Huesli gsaea und gad a oei zwo muessa denka :D

 

Hola Suiza

Samstag, 13.10.2012

I has endlich mol anen Computer gschafft und sogaer oan gfunda wo d Foetali wenigstens a bitzali schnell ufaladet Zwinkernd Also zerst amol mear gohts super do ena, ha scho hunderttuusig sacha erlaebt und s gfallt mer uhuara guat..vorusgsetzt i waer noed gad vo moskitos und anderem Getier ufgfraessa!! Luag raecht puenktlat us Unentschlossen  Da mit da Schual hani vorerst mol uf Iis gleht, gang den vilicht spoeter nomol zrugg, odr mach was aehnlichs in Ecuador..

Do a paar Foetali, mini erst Station isch Taganga gsii, den Santa Marta

,

witer noch Costeno Beach.. doet homer imera klina Bungalow am Strand gschlofa, drum o dia hunderttuusig Muggastich Lächelnd da isch nur a klisas Surfcamp gsii und rundum witundbreit nix als a paar vereinzelti Fischerhuesli..isch da Hammer doeta!!

Den homer an Usflug in Tayrona Park

gmacht, da isch bis ez mis Highlight..Doet ischs uuuuuuhuara schoea gsi!!

Den homr no an Usflug gmacht anan Wasserfall.. wa o da Hammer gsii isch..send dutsch aloa doeta gsii wilmer so frueah dra gsi send..hmm..und ez beni nomol zrugg in Taganga bis morn und den gohts witers Zwinkernd..also oer koerid widr vomer..bis bald und a guati ziit..

Bald geht es los

Freitag, 14.09.2012

Dies ist der erste Eintrag in meinem neuen Blog. In Zukunft werde ich hier über meine Erlebnisse im Ausland berichten.